Нидерландиянинг собиқ ҳужумчиси Марко ван Бастен "Бавария" ҳужумчиси Роберт Левандовски ва "Боруссия Д"нинг ёш етакчиси Эрлинг Ҳоландни ўзаро таққослади.
«Ҳоланд - янги Левандовскими? Ўйлайманки, у биз тасаввур қилгандан кўра кўпроқ нарсаларга эришиши мумкин. Ҳоланд Левандовскидан ҳам яхшироқ, у яхши техникага эга бўлган жуда ақлли ўйинчи. Тинимисиз голлар уриш билан бирга, яхши пас беради ва чиройли комбинациялар амалга оширади. У ўзига хос йигит», - дейди ван Бастен.
Маълумот учун, норвегиялик ҳужумчи жорий мавсум Бундеслига доирасида 17 учрашувда майдонга тушиб, 17 гол ва 4 голли узатма муаллифига айланган.
