Испания чемпионатининг 24-турида «Севилья» 22 февраль, душанба куни «Осасуна» майдонига сафар қилди.

Учрашувда андалусияликларнинг қўли баланд келди. Баҳснинг 19-дақиқасида Диего Карлос «Севилья»нинг биринчи тўпини киритди. 49-дақиқада Люк де Йонг жамоасининг 2-голини урди. Беллашувнинг қолган дақиқаларида дарвозаларга тўп киритилмади.

Ушбу ғалабадан сўнг Хулен Лопетеги шогирдлари 48 очко тўплаган ҳолда Ла Лига мусобақа жадвалида «Барселона»ни (47) ортда қолдириб, 3-ўринга кўтарилиб олди. Мағлуб бўлган «Осасуна» эса ўзининг 25 очкоси билан 13-ўринда бормоқда.

Испания Ла лигаси, 24-тур
22 февраль, душанба
«Осасуна»—«Севилья» 0:2
Голлар: 0:1 – 19 Диего Карлос, 0:2 – 49 де Йонг.
«Осасуна»: Эррера, Видаль (Иниго Перес, 80), Аридане, Санчес, Давид Гарсия, Монкайола, Оер (Брашанац, 65), Рубен Гарсия (Кальери, 64), Торро, Барҳа (Роберто Торрес, 64), Будимир (Адриан, 84).
«Севилья»: Буну, Диего Карлос, Навас, Рекик, Кюнде, Фернандо, Жордан (Гудел, 87), Оливер Торрес (Ракитич, 66), Сусо (Алеиш Видаль, 66), де Йонг (Ан-Несири, 80), Мунир (Гомес, 80).
Огоҳлантиришлар: Мунир (67), Видаль (76), Жордан (83), Торро (88).