Анталиядаги йиғин доирасида АГМК кеча навбатдаги назорат ўйинини Қозоғистон премьер лигаси вакили "Атирау"га қарши ўтказди.

Учрашувни тўлиқ ташаббус билан бошлаган жамоамиз қатор ҳужумлар ташкиллаштиришди. Биринчи бўлимда Ғофуров, Турсунов, Козак, Шоаҳмедов ва Элвин Фортес фаолликлари билан ажралиб туришди. Аҳмадалиев ва Йўлдошев эса ҳимояда рақибнинг уринишларини бартараф этишда жонбозлик кўрсатишди. Учрашувнинг 28-дақиқасида Ҳусниддин Ғофуров чап қанотдан ёриб кирди ва тўпни марказдан очилиб келган Шоаҳмедовга узатди. Санжар эса бу вазиятдан унумли фойдаланиб, учрашувда жамоамизни ҳисобда олдинга олиб чиқди.

Иккинчи таймда эса Элвин Фортес ажойиб ҳаракатлари билан ҳимоячини доғда қолдириб, дарвозанинг яқин бурчагини аниқ нишонга олди - 2:0.

Иккинчи таймда дарвозабондан ташқари барча футболчилар алмаштирилди ва ўйинда бошқа голлар киритилмади.

АГМК йиғин доирасидаги учинчи учрашувни ишончли ғалаба билан якунлади.

Назорат ўйини.
22 февраль, душанба.
АГМК - "Атирау" 2:0
Анталия, "Эко Дизайн Спорт комплекси".
Голлар: Санжар Шоаҳмедов, Элвин Фортес.
АГМК — Ботирали Эргашев - Дилшод Аҳмадалиев, Бобур Йўлдошев, Сардор Раҳмонов, Акром Комилов - Владимир Козак, Санжар Турсунов, Санжар Шоаҳмедов - Ҳусниддин Ғофуров, Зафар Полвонов, Элвин Фортес.
Захирадан майдонга тушганлар: Жалолов, Сулаймонов, Отахонов, Умаров, Жўраев, Қосимов, Жокич, Аблаев, Тошматов, Абдулҳамидов.