Antaliyadagi yig‘in doirasida AGMK kecha navbatdagi nazorat o‘yinini Qozog‘iston premyer ligasi vakili "Atirau"ga qarshi o‘tkazdi.

Uchrashuvni to‘liq tashabbus bilan boshlagan jamoamiz qator hujumlar tashkillashtirishdi. Birinchi bo‘limda G‘ofurov, Tursunov, Kozak, Shoahmedov va Elvin Fortes faolliklari bilan ajralib turishdi. Ahmadaliyev va Yo‘ldoshev esa himoyada raqibning urinishlarini bartaraf etishda jonbozlik ko‘rsatishdi. Uchrashuvning 28-daqiqasida Husniddin G‘ofurov chap qanotdan yorib kirdi va to‘pni markazdan ochilib kelgan Shoahmedovga uzatdi. Sanjar esa bu vaziyatdan unumli foydalanib, uchrashuvda jamoamizni hisobda oldinga olib chiqdi.

Ikkinchi taymda esa Elvin Fortes ajoyib harakatlari bilan himoyachini dog‘da qoldirib, darvozaning yaqin burchagini aniq nishonga oldi - 2:0.

Ikkinchi taymda darvozabondan tashqari barcha futbolchilar almashtirildi va o‘yinda boshqa gollar kiritilmadi.

AGMK yig‘in doirasidagi uchinchi uchrashuvni ishonchli g‘alaba bilan yakunladi.

Nazorat o‘yini.
22 fevral, dushanba.
AGMK - "Atirau" 2:0
Antaliya, "Eko Dizayn Sport kompleksi".
Gollar: Sanjar Shoahmedov, Elvin Fortes.
AGMK — Botirali Ergashev - Dilshod Ahmadaliyev, Bobur Yo‘ldoshev, Sardor Rahmonov, Akrom Komilov - Vladimir Kozak, Sanjar Tursunov, Sanjar Shoahmedov - Husniddin G‘ofurov, Zafar Polvonov, Elvin Fortes.
Zaxiradan maydonga tushganlar: Jalolov, Sulaymonov, Otaxonov, Umarov, Jo‘rayev, Qosimov, Jokich, Ablayev, Toshmatov, Abdulhamidov.