«Боруссия Дортмунд» ва Норвегия терма жамоаси етакчиларидан бири, ҳужумчи Эрлинг Холанд UFC энгил вазн чемпиони Хабиб Нурмагомедовга ўз футбол либосини совға қилди. Футболчи уни россияликка ўз имзоси билан бирга жўнатди.
Нурмагомедов эса бу ҳақида ўзининг Инстаграм саҳифасида хабар берган. Шунингдек, Ҳоландга ўз миннатдорчилигини билдирган ҳолда, «Катта раҳмат, "монстр"», деб ёзган Нурмагомедов.
Эслатиб оʻтамиз, Хабиб Нурмагомедов ҳозирда вазн тоифасидан қатъий назар UFCнинг энг яхши жангчилари рейтингида биринчи ўринни эгаллаб турибди.
