Бирлашган Араб Амирликларининг дубай шаҳрининг шу ойнинг 18-23 саналарида бўлиб ўтадиган "MatchWorld Dubai Cup-2012" турнири учун қуръа ташланди.
Маълумингизким, турнирда Вадим Абрамов бошчилигидаги Ўзбекистон терма жамоаси ва Тошкентнинг "Бунёдкор" жамоаси иштирок этади. Қуръа натижалари билан танишинг:
"А" гуруҳи: "Зенит" (Россия), "Ксамакс" (Швейцария), "Бунёдкор" (Ўзбекистон), Ироқ олимпия терма жамоаси.
"В" гуруҳи: "Шахтёр" (Украина), "Ростов" (Россия), "Этуаль дю Саель" (Тунис), Ўзбекистон терма жамоаси.
Гуруҳ босқичида ҳар бир жамоа 2 тадан ўйин ўтказиб, гуруҳлардан финалга чиқадиган жамоаларни аниқлаб беришади. Қолган жамоалар эса қарама-қарши гуруҳдаги жамоа билан яна биттадан ўйин ўтказиб, турнирдаги якуний ўринларни аниқлаб беришади.
