"Барселона" Испания чемпионатининг 1-турининг қолдирилган ўйинини ўтказди ва йирик ҳисобда ғалаба қозонди. Учрашувдаги ҳисобни 48-дақиқада каталонияликлар жамоаси ҳужумчиси Лионел Месси очди, 69-дақиқада эса у иккинчи голни урди.
Шу тариқа, унинг ҳисобида Ла Лигадаги голлари сони 18тага етди. Унинг таъқибчиси бўлган "Атлетико" ҳужумчиси Луис Суаресниг голлари сони эса 16та.
Февраль ойи бошида Суарес учта гол фарқи билан Мессидан олдинда эди. "Барса" сардори "кўк-анорранглилар"нинг сўнгги учта учрашувида 5 та гол урди ва жами кетма-кет еттита ўйинда гол урган футболчига айланди.
