Англиянинг «Манчестер Сити» жамоаси бош мураббийи Пеп Гвардиола яқинда жамоаси билан «Вест Хем» устидан навбатдаги ғалабасини қўлга киритди. Ушбу ғалаба испаниялик мутахасиснинг «шаҳарликлар» сафидаги 200 - ғалабаси сифатида тарихда қолди. Гвардиола 2016 - йилдан бери, «Манчестер Сити» бош мураббийи сифатида фаолият олиб боради. Шу вақт мобайнида, испаниялик мураббий 2017/18 ва 2018/19 - йиллардаги мавсумда Англия чемпионлигини қўлга киритган бўлса, бир марта Англия кубоги, икки марта Англия Лига кубоги, ҳамда икки марта Англия суперкубогида зафар қучган.
Қолаверса, бугунги учрашувдаги ғалаба Пеп Гвардиоланинг мураббийлик фаолиятидаги 500 - ғалабаси сифатида тарихда қолди.
Эслатиб ўтамиз, Испаниялик мутахасис олдин «Барселона» ва «Бавария» каби жамоаларда мураббийлик вазифасида ишлаган
