Англия Премьер-лигаси 26-туридан ўрин олган баҳсда «Лестер» ўз майдонида «Арсенал»ни қабул қилди.
"King Power" ўйин гоҳида кечган бахсда "Арсенал" 3:1 ҳисобида, мезбонларни таслим этди. Дастлаб, майдон эгалари ҳисобни очишган бўлса, лондонликлар бу голга биринчи таймнинг ўзида икки бор жавоб қайтаришди.
Кейинчалик эса, мезбонлар ўз дарвозасидан яна битта тўп ОЛИБ чиқишга мажбур бўлишди. Якунда, ҳисоб 1:3. "Тўпчилар" Лондонга 3 очко билан қайтишмоқда. Бугунги ўйиндан сўнг
«Арсенал» 37 очко билан тўққизинчи ўринга чиқиб олган бўлса, «Лестер» 49 очко билан ҳозирча учинчи ўринда бормоқда.
"Лестер" – "Арсенал" 1:3 (1:2, 0:1)
«Кинг Пауэр»
Голлар:1:0 – 6 Тилеманс, 1:1 – 39 Давид Луиз, 1:2 – 45, пенальти Ляказетт, 1:3 – 52 Пепе.
"Лестер" – Шмейхель, Сеюнджю, Эванс (Амарти, 69), Томас (Олбрайтон, 46), Рикарду Перейра, Тилеманс, Ндиди, Барнс (Ундер, 51), Кастань, Варди, Ихеаначо.
"Арсенал" – Лено, Тирни, Мари, Давид Луиз, Соареш, Джака, Эль-Ненни (Парти, 66), Пепе, Смит-Роу (Эдегор, 42), Виллиан, Ляказетт (Обамеянг, 84).
Огоҳлантиришлар:
Томас (38), Тилеманс (72), Тирни (90).
