«Арсенал» бош мураббийи Микель Артета Англия чемпионатининг 26-тури доирасида бўлиб ўтган «Лестер»га қарши ўйин (3:1) борасида ўз фикрини билдириб ўтди.

«Рақибнинг савиясини олганда, шогирдларимнинг бугунги ҳаракатлари мақтовга лойиқ. Мен ростмана улар билан фахрланаман.

Ушбу ўйин олдидан зич тақвимдан хавотирда эдим. Лекин, келинг, чарчоқ ҳақида гапирмаймиз.

«Лестер» ҳисобда олдинга ўтиб олса, АПЛнинг энг хавфли жамоаларидан бирига айланади. Ўтказиб юборилган голга ўз вақтида реакция билдирдик. Биз ажойиб ўйин ўтказдик.

Пепе барқарор ўйин кўрсатмоқда, биз ундан айнан шуни кутамиз. У вазиятлар яратмоқда, унинг ҳаракатларидан қониқиш ҳосил қилдим.

Биз жадвалда ҳаддан ташқари пастда жойлашганмиз (10-ўрин). Ҳолатимизни яхшилашимиз керак. Буни амалга оширишнинг ягона йўли — ғалаба қозониш», – деди Артета.