Англия чемпионатининг 26-тури доирасида “Ливерпуль“ “Шеффилд“ майдонига сафар қилди. “Брэмелл Лэйн“ ўйингоҳида кечган учрашув, меҳмонларнинг 2:0 кўринишидаги, ишончли ғалабаси билан якунланди.

Иккала жамоа томонидан бир нечта ҳужумлар ташкил этилган бўлсада, биринчи бўлимда дарвозаларга тўп киритилмади. Бироқ, иккинчи тайм аввалида “Ливерпуль“ ҳисобни очишга муваффақ бўлди.

Кейинчалик тайм ўрталарида, мезбонлар вакили кутилмаганда ўз дарвозасини ишғол этиб қуйди. Шундан сўнг ушбу ҳисоб баҳс оҳиригача сақланиб қолди. Ушбу натижа орқали Юрген Клопп шогирдлари ўзларининг АПЛ доирасидаги 4 ўйинлик ғалабасиз сериясига барҳам беришди.

Шу тариқа, бугунги баҳсдан кейин, “Ливерпуль“ ҳисобидаги 43 очкоси билан олтинчи ўринда одимламоқда. Бугунгача бор йуғи 11 очко жамғарган “Шеффилд Юнайтед“ эса ҳали ҳамон энг сўнгги, йигирманчи ўринда.

"Шеффилд Юнайтед" – "Ливерпуль" 0:2 (0:0, 0:2)
«Брэмелл Лэйн»

Голлар: 0:1 – 48 Джонс, 0:2 – 64, автогол Брайан.

"Шеффилд Юнайтед" – Рэмсдейл, Стивенс, Джагелка (Осборн, 56), Ампаду, Болдок, Ландстрем, Флек (Шарп, 80), Норвуд, Брайан, Макголдрик (Берк, 56), Макберни.

"Ливерпуль" – Адриан, Филлипс, Александер-Арнолд, Кабак, Робертсон, Тиаго Алькантара (Милнер, 76), Джонс (Кейта, 80), Мане, Вейналдум, Салах, Фирмино.