Мадриднинг "Реал" клуби яримҳимоячиси Хаби Алонсо Испания кубоги доирасидаги "Малага"га қарши жавоб ўйинидаги ғалабага изоҳ берар экан, турнирнинг чорак финалида "Барселона" билан учрашишга тайёр эканлигини айтиб ўтди.
"Биз ғалаба қозонишни жуда истаган эдик, пировардида шундай бўлиб чиқди ҳам. Бутун ўйин мобайнида биз вазиятни ўз назоратимизда ушлаб турдик ва гол киритиш учун кўплаб имкониятларга эга бўлдик. Гарчи гол омад туфайли киритилган бўлса-да, биз ғалабага ҳақлироқ эдик.
"Барселона" ҳали "Осасуна"га қарши жавоб ўйинини ўтказиши керак". Бироқ биз каталонияликлар билан учрашишга тайёрмиз ва нимчорак финалга қийналмай чиқдик. Ҳозир мен "Реал" ва "Барселона"ни таққосламоқчи эмасман. Биз янги йилни кетма-кет уч ғалаба билан бошладик, шу сабабли фақат ўйинимиз суръатини туширмаслик ҳақида ўйлаяпмиз", - дея Алонсо сўзларини келтирмоқда Goal.com.
Эслатиб ўтамиз, кеча Жозе Моуринью шогирдлари "Малага" майдонида ўтган жавоб учрашувида Карим Бенземанинг 72-дақиқада киритган ягона голи эвазига Испания кубогининг яорак финалига чиқишган эди. Чунки Мадридда ўтган илк учрашувда ҳам "қироллик клуби" 3:2 ҳисобида рақибларидан устун келганди.
