"Реал" яримҳимоячиси Анхель Ди Мария яхшиланган шароитлар инобатга олинган шартномани имзолаш бир йилга чўзилиб кетганидан норози, деб хабар беради Marca.
Шу сабабли "қироллик клуби"да маоши йилига деярли 2 миллион еврони ташкил этувчи 23-ёшли аргентиналик бошқа клубга ўтиб кетмоқчи. Нашрнинг маълумотига кўра, ҳавбекни "Челси" сотиб олишга тайёр. Трансфер суммаси эса 42 миллион еврони ташкил этиши кутилмоқда.
Таъкидлаш жоизки, жорий мавсумда Ди Мариа "Реал"нинг энг яхши тўп узатувчиси бўлиб турибди. У Ла-Лиганинг 14 учрашувида 13 марта ассистентлик қилган. Шунингдек, лигада 4 та, ЕЧЛнинг 4 учрашувида 1 та голга муаллифлик ҳам қилган.
