"ПСЖ" бош мураббийи Маурисио Почеттино Чемпионлар Лигаси 1/8 финал босқичидан ўрин олган "Барселона"га қарши жавоб ўйини олдидан рақибнинг камбек амалга ошириш эҳтимоли ҳақидаги саволга жавоб берди.
«Футболда ҳамма нарса бўлиши мумкин ҳатто, энг ақл бовар қилмайдиганлари ҳам. Бу ижобий ёки салбий жараён бўлиши мумкин. Аммо, бизнинг ҳолатимиз ижобий кайфиятимиз эса кўтаринки ҳолатда.
Биз ҳар бир ўйинга худди шундай кўринишда тайёргарлик кўрамиз ва ўзимизни ижобий ҳиссиётларга тайёрлаймиз. Энди кейинги босқичга чиқиш учун, яна ғалаба қозониш ҳақида ўйлаяпмиз», - дейди аргентиналик мутахассис.
Маълумот учун, "Барселона" ва "ПСЖ" учрашуви 10 март куни, Париждаги «Парк де Пренс» ўйингоҳида бўлиб ўтади.
