"Ливерпуль" ҳужумчиси Муҳаммад Салох Миср Олимпия терма жамоаси билан Токио Олимпиадасида иштирок этиш учун чақирилиши мумкин.
«Ҳозирги кунда Салаҳ дунёнинг энг яхши ўйинчиларидан бири. Шу туфайли уни олимпия жамоасига жалб этиш яхши ва нормал ҳолат. Биз март ойида бўлиб ўтадиган халқаро танаффусдан сўнг "Ливерпуль" билан бу борада расмий музокараларни бошлаймиз», - дейди Миср олимпия жамоаси мураббийи Шаки Ғариб.
23 ёшгача бўлган футболчилар иштирок этадиган мусобақада мураббийлар таркибга учтагача катта ёшли ўйинчини киритишлари мумкин.
Эслатиб ўтамиз, Токио Олимпиадаси 2021 йил 23 июлдан 8 августгача бўлиб ўтади.
