«Барселона» бош мураббийи Роналд Куман клубнинг собиқ президенти Хосеп Бартомеу атрофидаги вазият ҳақида гапирди. Мураббий уни ҳибсга олинишига изоҳ бериб, бу ҳолат клубга салбий таъсир кўрсатишини ҳам айтди.

«Бу клуб имиджи учун ёмон. Биз кутишимиз ва нима бўлишини кузатишимиз керак. Мен ўша пайтда клубда бўлмаган эдим. Унинг ҳибсга олинганлгини эшитиб хайрон бўлдим. Аввалроқ, фақат, клубнинг собиқ бош директори Оскар Грау ҳибсда эканлигини билардим. Биз бундай вазиятда иложсизмиз. Бартомеу ҳар доим ўзгача шахс бўлиб қолади», - дея таъкидлайди Куман.

Эслатиб ўтамиз, полиция «Барселона»нинг офисларида тинтувлар ўтказган ва шундан сўнг улар клубнинг собиқ президенти Хосеп Бартомеу ва иккита директорни ҳибсга олишган. Бир кун ўтгач, Бартомеу гаров эвазига озод қилинган бўлсада, иш очиқ қолмоқда.