11 январь куни "Насаф" икки ҳафталик йиғин ўтказиш учун БААга жўнаб кетди. Бу ҳақда клуб расмий сайти хабар бермоқда.
"Клуб раҳбариятининг таъкидлашларича, Бирлашган Араб Амирликларида ўтадиган йиғин чоғида жамоа мураббийлар штабига хорижлик мутахассис келиб қўшилади. Шунингдек, янги легионерлар ҳам айнан Дубайда бўладиган машғулотларда мураббийлар кўригидан ўтишади", дейилади "Насаф" расмий сайтидаги хабарда.
"Насаф" 16 январь куни Украинанинг "Металлист" (Харьков) жамоасига қарши ўртоқлик учрашуви ўтказади. Клуб расмий сайти маълумотларига кўра, Дубайда Украина, Россия, БААнинг бир қатор клублари билан синов-назорат учрашувларини ўтказиш кўзда тутилган.
Дубайга йўл олган таркибга клуб ёшлар жамоасидан Шоҳруҳ Гадоев ва Нодир Саноқулов, шунингдек, жамоа билан шартнома имзолаган Ғайрат Ҳасанов ("Андижон") ва Суҳроб Неъматов ("Бухоро") ҳам киритилган. Фозил Мусаев ва Кенжа Тўраев терма жамоа йиғинида эканлигиси сабаб Дубайда "Насаф" билан бўла олмайди.
Дарвозабонлар – Муроджон Зуҳуров, Ғайрат Ҳасанов, Элдор Суюнов;
Ҳимоячилар – Шерзод Аъзамов, Ботир Қораев, Мақсуд Каримов, Нодир Саноқулов, Боян Малишич, Алишер Юсупов;
Ярим ҳимоячилар - Эркин Бойдуллаев, Суҳроб Неъматов, Жаҳонгир Жиямуродов, Шоҳрух Гадоев, Илҳом Юнусов, Андрейс Переплёткинс, Элдор Бойматов, Мирзакамол Камолов, Артур Геворкян;
Ҳужумчилар – Иван Бошкович, Азамат Алланиёзов, Носир Отақўзиев, Илҳом Шомуродов, Шуҳратбек Мирхолдиршоев.
