“Бавария” клуби “Базель”нинг 20 ёшли ярим ҳимоячиси Хердан Шакирини қўлга киритишга ҳаракат қилмоқчи. Клуб президенти Ули Хенес ушбу масала юзасидан швейцариялик ҳамкасби билан гаплашиб улгурган.

Муҳокама мавзуси футболчининг трансфер суммаси бўлиб турибди. “Базель” талаб қилаётган 12 миллион евро немислар учун бироз қимматлик қиляпти, дея хабар беради, transfermarkt.de.

Эсингизда бўлса, Хердан Шакири ЕЧЛ нинг сўнгги учрашувида “МЮ”га қарши ажойиб ўйин кўрсатганди. Шундан сўнг, инглизлар ҳам футболчига қизиқиб қолгандилар.