"Бавария" президенти Xерберт Хайнер "Боруссия Д" ҳужумчиси Эрлинг Xоландни Мюнхен клубига ўтиши мумкинлиги ҳақида гапирди.
«Пандемия бизга ҳам жиддий зарар келтирганига қарамай, "Бавария" ҳар доим бирон бир футболчини сотиб олиши мумкин, қачонки бу трансфер ҳақиқатдан ҳам фойдали бўлишига ишонса. Вазият шундайки, ҳамма нарса ҳар куни ўзгариб туради, шунинг учун мен тахминлардан йироқман.
Аммо, биз "Бавария" энг яхши ёш футболчиларни жалб қилишда давом этишини аниқ айтишимиз мумкин. Йозуа Киммих, Кингсли Коман ва Альфонсо Девиснинг мисоллари "Бавария" жаҳон даражасидаги футболчи бўлиб ўсишни истаган ёш юлдузлар учун идеал клуб эканлигининг исботи»,- дейди Хейнер.
Маълумот ўрнида, Xоланд ушбу мавсум Германия чемпионати ва Чемпионлар Лигасида жами 22 учрашув ўтказиб, 25 гол урди ва 3 голга узатма амалга оширди.
