Миланнинг «Интер» клуби ярим ҳимоячиси Артуро Видаль фаолиятини Франция чемпионатида давом эттириши мумкин.
33 ёшли чилиликнинг хизматларига «Марсель» жамоаси қизиқиш билдирмоқда. Француз жамоасининг янги бош мураббийи Хорхе Сампаоли бир пайтлар Чили терма жамоасида ҳам фаолият юритган.
Шу сабабли ҳам «Марсель»нинг Артурога қизиқиши айнан аргентиналик мутахассиснинг ташаббуси ҳисобланади. Видальнинг ўзи Францияга кўчиб ўтиш истиқболларига ижобий қарайди, чунки унинг Италия клубидаги келажаги сўроқ остида турибди.
Маълумот ўрнида, 8 миллион еврога баҳоланаётган Видаль 2020/2021 йилги мавсумда, «нерадзурри» билан барча мусобақаларда 28 учрашув ўтказиб, 2 гол ва 2 голли узатма муаллифига айланган.
