Голландия Кубоги баҳслари доирасидаги "Аякс" ҳамда АЗ ўртасидаги 19 январга режалаштирилган такрорий учрашувга фақат 13 ёшдан кичик бўлган болалар кириши мумкин. Бу ҳақда "Аякс" расмий сайти хабар бермоқда.
Дастлаб, учрашув бўм-бўш стадионда ўтказиши режалаштирилганди. Аммо Голландия футбол уюшмаси қарорни бироз юмшатиб, 13 ёшдан кичик бўлган болаларнинг ўйинни томоша қилиш учун киришларига рухсат берди. Улар учун ўйинга кириш текин бўлади. Айни вақтда, олти боладан иборат болалар гуруҳига биттадан кузатувчи бўлиши шарт қилиб белгиланган.
Эслатиб ўтамиз, ўтган йил сентябрь ойида "Фенербахче" ишқибозлар "Шахтёр"га қарши ўртоқлик учрашувида стадионда тартибсизликлар келтириб чиқаришгани сабаб, Туркия футбол федерацияси Туркия Суперлигасидан ўрин олган "Фенербахче" ва "Манисаспор" ўйинига фақат аёллар ва болалар кириши мумкинлиги ҳақида қарор қабул қилганди. Учрашувда 41633 томошабин кирган.
