Мадриднинг «Реал» клуби ўтган йили «Интер»га сотиб юборган футболчиси Ашраф Ҳакимини жамоага қайтариш режасини ўйлаб кўрмоқда.

Бу ҳақда испан матбуоти хабар тарқатди. Энди «Реал» 40 миллионга сотиб юборган ҳимоячисини 50 миллион тўлаб ортга қайтариши мумкин. «Нерадзуррилар» бундан камига рози эмас. Ушбу қарорга Зиданнинг ўзи тўхталган бўлиб, бу трансфер «қироллик клуби»нинг ҳимоядаги муаммоларига оптимал ечим бўлиб хизмат қилиши кутиляпти.

Маълумот учун, Ҳакими «Интер» сафида жорий мавсум 32 ўйинда майдонга тушиб 6 гол ва худди шунча самарали узатма муаллифига айланди.