"Манчестер Сити" ҳужумчи Марио Балотеллининг агенти Мино Райола мижозининг Италия А Сериясига қайтиши мумкинлигига шубҳа билан қарамоқда. Бу ҳақда "La Nazione" нашри хабар бермоқда.
"Марионинг Манчестердаги ишлари жойида. Умид қиламанки, унинг клуб билан шартномасини узайтирамиз", деди Райола.
"Менимча, Балотелли А Серия даражасидан ўсиб бўлди, у бу чемпионат учун, ҳар қайси маънода - ҳаддан ташқари катта ўйинчи. У юқори савиядаги ўйинчи. Кимда ким уни сотиб олмоқчи бўлса, бунинг учун борини бериши ва уни худди Иброҳимович, Месси ёки Это‘Они кутиб олгандек кутиб олиши керак бўлади", деди агент.
"Агар "Интер" билан "Милан" Тевес учун 30 миллион евро топа олмаётган бўлса, Балотелли учун 60 ёки 70 миллион қандай қилиб тўлашади? Марио худди шунча туради, у биринчи рақамли ўйинчи. Балотелли жаҳоннинг энг яхши ўйинчиларидан бирига айланади, "Сити" уни ҳеч қачон қўйиб юбормайди", дея қўшимча қилди Марио Балотеллининг агенти Мино Райола.
