Ўзбекистон футбол ассоциацияси мамлакатимизда мураббийлик соҳасини янада ривожлантириш, мураббийлар малака ва салоҳиятини ошириш бўйича қатор чора-тадбирларни амалга ошириб келмоқда.
ЎФА қошидаги Футбол мутахассисларини тайёрлаш марказида қатор лицензияли ўқув курслари ва семинарлар мунтазам равишда ўтказиб келинмоқда.
Хусусан, 3-8 март кунлари Тошкент шаҳрида ЎФА «C» лицензияси дастури бўйича мураббийлик курслари ташкил этилмоқда.
Ўқув жараёнига Дмитрий Ким инструкторлик қилган бўлса, унга Қурбонбоев Рустам ёрдамчилик қилмоқда. Курс координатори Қудратуллаев Даврон. Амалий ва назарий машғулотларни қамраб олган мазкур курсда ўзбек футболининг бир қатор юлдузлари: Камолиддин Тожиев, Станислав Андреев, Мирзакамол Камолов кабилар иштирок этмоқда.
