Англия чемпионатининг 27 туридан ўрин олган Манчестер дербисида, «Манчестер Сити» ҳамшаҳари «Манчестер Юнайтед»ни қабул қилди.

«Этихад» ўйингоҳида кечган баҳсда кечган баҳсда меҳмонлар ишончли куринишдаги, 2:0 ҳисоби билан зафар қучишди. «Қизиллар» дастлабки дақиқаларданоқ ҳисобни очишга муваффақ бўлишди.

Хавфли вазиятлар яратиш ҳамда ўйиндаги устунлик рақиблар томонида бўлсада, ўз имкониятларидан унумли фойдаланган «МЮ» иккинчи тайм бошларида ҳисобни яна биттага оширишга муваффақ бўлди.

Ушбу ҳисоб учрашув сўнггигача сақланиб қолди ва натижада сафардаги ўйинларда мағлубиятсиз сериясини давом эттирган «МЮ» «Ман. Сити»нинг 21 ўйинлик ғалабали сериясига якун ясади. Ушбу ғалабадан сўнг, очколари сонини 54 тага етказган «МЮ» иккинчи ўринни мустаҳкамлади. «Манчестер Сити» эса 65 очко билан ҳали ҳамон чемпионат пешқадами бўлиб турибди.

"Манчестер Сити" – "Манчестер Юнайтед" 0:2 (0:1, 0:1) «Этихад Стэдиум»

Голлар: 0:1 – 2, пенальти Бруну Фернандеш, 0:2 – 50 Шоу.

"Манчестер Сити" – Эдерсон, Жоау Канселу (Уокер, 65), Стоунз, Рубен Диаш, Зинченко, Родри, де Брюйне, Стерлинг, Гюндоган, Марез, Габриэл Жезус (Фоден, 70).

"Манчестер Юнайтед" – Хендерсон, Линделеф, Шоу, Магуайр, Уан-Биссака, Фред, Бруну Фернандеш (Уильямс, 90), Мактомини, Джеймс, Марсьяль (Матич, 88), Рэшфорд (Гринвуд, 73).

Огоҳлантиришлар:
Магуайр (32), Шоу (58), Хендерсон (60).