"Реал" ҳужумчиси Карим Бензема Испания чемпионатининг 26-тури доирасида бўлиб ўтган "Атлетико"га қарши ўйин (1:1)  борасида ўз фикрини билдириб ўтди. Франциялик футболчи баҳснинг 88-дақиқасида рақиб дарвозасини ишғол қилиб, жамоасига дуранг келтирди.

"Назаримда, биз яхши ўйин намойиш этдик. Рақибимиз кучли эди, бугун бизга қийин бўлди. Биринчи бўлимда, ўйлашимча, рақиб кучлироқ бўлди. Иккинчи таймда эса биз устунликка эришдик. "Реал" учун бу яхши натижа.

Ҳа, гол урдим, аммо икки дақиқа аввал гол ура олмаганимдан ранжидим. "Атлетико" посбони иккита сэйв намойиш этди.

Биз янада кўпроқ гол уришимиз мумкин. Чунки, етарли вазиятлар яратяпмиз", – деди Бензема.