Мадриднинг «Реал» клуби бош мураббийи Зинедин Зидан «Атлетико» билан баҳсдан сўнг ўз фикрлари билан ўртоқлашди.

«Ҳакамларнинг қарорига эътирозим йўқ. Барча ҳукмлар чуқур таҳлил қилиниб чиқарилганига ишонаман. Футболчиларимнинг фикрича бу пенальти эди, "VAR" бўйича эса йўқ. Қолган фикрлар ҳеч нарсани ўзгартира олмайди.

Биринчи бўлимни тўлиқ "Атлетико" устунлигида ўтди деса ҳам бўлаверади. Улар танаффусга ғолиб тарзда чиқиб кетишга ҳақли эди. Бироқ, иккинчи бўлимда энди биз назоратни қўлга олдик. Менимча, якунда адолатли ҳисоб қайд этилди. Чемпионлик учун охиригача курашамиз», - дейди Зидан.

Эслатиб ўтамиз, «Реал» навбатдаги турда «Эльче» билан баҳс олиб боради.