Миср футбол ассоциацияси (ЭФА) расмий сайти хабарига кўра, «Ливерпуль» ҳужумчиси Муҳаммад Салох Миср миллий терма жамоасига Африка Миллатлар Кубоги саралаш баҳслари учун жалб этилади.
Салоҳдан ташқари «Арсенал» ярим ҳимоячиси Муҳаммад Эл Ненни, «Астон Вилла» ярим ҳимоячиси Маҳмуд Трезеге, «Олимпиакос» ҳужумчиси Аҳмед Хасан Кока, ва «Ал-Итиҳад» ҳимоячиси Аҳмед Хегази ва "Галатасарой" нинг янги футболчиси Мостафо Муҳаммадлар ҳам йиғинга чақирилган.
Миср 25 март куни Кенияга қарши ўйин ўтказади ва 29 март куни Комор билан тўқнаш келади.
Аввалроқ, Премьер-лига клубларининг баъзи мураббийлари бу ҳақда фикр билдиришган эди. Унга кўра, сафардаги футболчилар Англияга қайтиб келгандан кейин мажбурий 10 кунлик карантин туфайли ўз жамоаларига қўшила олмасликлари фақат зарарга ишлайди.
