«Аждарлар» Суперлига-2021 1-турида Тошкентнинг «Пахтакор» жамоасини қабул қилади. Беллашув 10 март куни Қаршидаги «Марказий» стадионида бўлиб ўтади. Беллашув соат 18:30 да бошланади.
Ўзаро учрашувлар тарихидан
Ушбу жамоалар Ўзбекистон чемпионатида ҳозирга қадар 48 бор куч синашишган. Катта устунлик «шерлар» томонида. Бўлиб ўтган 10 учрашувда вакилларимиз, 28 ўйинда эса «шерлар» зафар қучишган. 10 учрашувда эса дуранг натижа қайд этилган.
Тўплар нисбати 44:74 га тенг.
Ўзаро учрашувларда қайд этилган энг юқори ҳисоблар бир хил кўринишда: «Насаф» – «Пахтакор» 4:0, “Пахтакор” – «Насаф» 4:0.
Жамоалар сўнгги ўзаро учрашувни 2020 йили 25 ноябрь куни Қаршида " ўтказган. Бу учрашувда “аждарлар” 3:0 ҳисобида йирик ғалаба қозонишган.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
25.11.2020 Насаф – Пахтакор 3:0
21.08.2020 Пахтакор — Насаф 4:1
23.11.2019 Насаф — Пахтакор 1:2
05.04.2019 Пахтакор — Насаф 2:1
18.08.2018 Пахтакор — Насаф 4:0
