Бекободнинг "Металлург" жамоаси дастлабки йиғинни ҳар йилгидек Чирчиқ шаҳрида бошлади. Декабрнинг 15 санасида тўпланишган бекободликлар 29 санагача кунига икки маҳалдан машқлар бажаришди. Сўнг янги йил байрам муносабати билан юзага келган таътил 3 январгача давом этди.
Жамоадан ҳеч ким кетмаган. Ҳозирда машғулотларда иштирок этаётган футболчилар орасида ўтган мавсумда "Сўғдиёна" ва "Олмалиқ" клубларида ўйнаган футболчилар ҳам бор.
5 январь куни етиб келиши керак бўлган черногориялик легионер Боян Калевич ҳали жамоада эмас. Маълумотларга қараганда у ўзи билан бирга бир ватандошини ҳам олиб келиши кутиляпти.
Шунингдек, шу кунгача фақат машғулотлар билан чекланган бекободликлар ўзларининг биринчи назорат учрашувини 14 январь куни Тошкентнинг "Локомотив" клубига қарши ўтказишади.
Манбаа: stadion.uz
