Каталон клуби ҳимоячиси Климан Лангле ўзи тушган ўйинларда жамоасининг зарарига ишламоқда.
Гап шундаки, унинг кеча ПСЖга қарши баҳсда ишлатган қўполлиги ҳакам томонидан пенальтига лойиқ деб кўрилди. Статистик маълумотларга кўра, франциялик футболчи жорий мавсум умумий ҳисобда 4 марта ўз дарвозасига пенальти белгиланишида бевосита иштирокчига айланиб қолди ва бу клуб аъзолари орасидаги энг ёмон натижа ҳисобланади.
«Барселона» дарвозасига белгиланган бошқа пенальтилар эса жами 5 тани ташкил этиб, улар биттадан футболчиларга тўғри келади.
