Мадриднинг "Реал" клуби сардори ва етакчиси Серхио Рамос ҳужумчи Криштиану Роналдунинг 2018 - йилда "Ювентус"га кетиши ҳақида ўз фикрлари билан ўртоқлашди.

«Бу трансфердан Криштиану ҳам, «Реал» ҳам ютқазди. Мен уни қўйиб юбормас эдим, чунки у дунёдаги энг зўрлардан бири ва бизнинг кўпроқ ғалаба қозонишимизга у ёрдам берган бўлар эди. Роналдунинг  фаолияти Мадридда давом этиши керак эди.

Киевда бўлиб ўтган Чемпионлар Лигаси финалидан олдин шундай қарор қабул қилганини билардик. Биз ҳеч қачон ишонмаганмиз, у фикрини ўзгартиради деб умид қилгандик, аммо бу унинг қарори. Уни ҳеч нарса учун айблаш мумкин эмас. У қатъиятли ўйинчи. Бундай футболчилар қарор қабул қилиш ҳуқуқига лойиқдирлар », - деди Рамос.