«Манчестер Сити» ҳужумкор ярим ҳимоячиси Илкай Гундўған Англия Премьер Лигасининг февраль ойидаги энг яхши ўйинчиси деб топилди.

Германиялик футболчи февраль ойида 5 та ўйин ўтказиб, 4 та гол ва битта голли узатма муаллифига айланди.

Илкай январь ойида ҳам ушбу совринга лойиқ кўрилганди. Гундўған кетма-кет икки бор АПЛда «ой ўйинчиси» бўлган «Манчестер Сити» тарихидаги илк футболчига айланди. Шунингдек, у бу совринга бир мартадан кўпроқ эришган биринчи немис футболчиси бўлди.

Ушбу соврин учун шунингдек, қуйидаги футболчилар кураш олиб борганди:

Йоаким Андерсен («Фулҳэм») — 6 та учрашувда 1 та ассист ва 4 қуруқ ўйин;

Ҳарви Барнс («Лестер») — 5 та ўйинда 2 та гол ва битта ассист;

Жоау Канселу («Манчестер Сити») — 5 учрашув, 2 та қуруқ ўйин;

Бруну Фернандеш («Манчестер Юнайтед») — 5 та баҳсда 4 та гол ва 3 та ассист;

Жесси Лингард («Вест Ҳэм») — 5 та учрашувда 3 та гол ва битта ассист;

Рубен Невеш («Вулверҳэмптон») — 5 ўйинда 3 та гол ва битта ассист;

Рафинья («Лидс») — 6 баҳсда 2 та гол ва битта голли узатма.