"Манчестер Сити" "Боруссия Д"нинг норвегиялик ҳужумчиси Эрлинг Холанд учун курашда асосий фаворит. Аввалроқ, футболчи учун "Челси", "Реал", "Ювентус", "ПСЖ" ҳамда "Барселона" жамоалари даъвогарлик қилаётгани маълум бўлган эди.
"Боруссия Д"га 2020 йил январь ойида Австриянинг "Залцбург" жамоасидан 20 миллион эвро эвазига келиб қўшилган Холанднинг клуб билан амалдаги шартномаси 2024 йилгача тузилган.
Футболчи жорий мавсум Германия чемпионати доирасида 19 ўйинда иштирок этиб, 19 гол, 5 голли узатма амалга оширишга муваффақ бўлган. Шунингдек, у ЕЧЛнинг 6 ўйинида 10 гол муаллифига ҳам айланган.
