«Вильярреал» марказий ҳимоячиси Пау Торрес мавсум охирида ўз жамоасини ўзгартириши мумкин.
Бир неча ой олдин Мадриднинг «Реал» клуби алоқага чиққан Испания терма жамоасининг 24 ёшли футболчисига энди «Манчестер Юнайтед» жиддий қизиқиш билдирмоқда ва бир неча ҳафта аввал у билан боғланган.
Торрес учун Англия клуби 65 миллион эвро сарф этиши кутилмоқда, бироқ «Вильярреал» мавсум охирида Еврокубокларга йўлланма олмаса ушбу миқдор камайиши ҳам мумкин.
Маълумот учун, 24 ёшли ҳимоячи жорий мавсум барча мусобақаларда 32 ўйинда майдонга тушиб, иккита гол киритишга муваффақ бўлган.
