Анталияда ўқув-машғулот йиғинини ўтказаётган Тошкентнинг "Пахтакор" клуби 9 январь куни Туркиянинг "Гузтепа" жамоаси билан дуранг ўйнаган чемпионатимиз флагмани бугун Германия Бундеслигасида айни вақтда 8-ўринда бораётган "Штуттгарт" клубига қарши ўртоқлик ўйинида майдонга чиқишди.
Штуттгартликлар устози Бруно Лаббадиа ўзининг асосий футболчиларини майдонга туширган учрашувнинг 4-дақиқасида Мартин Гарник ҳисобни очди.
37-дақиқада "Пахтакор" дарвозасига белгиланган пенальтини Кузманович аниқ амалга оширди — 0:2.
Жамоалар танаффусга айнан мана шу ҳисоб билан чиқиб кетишди. Ўйиннинг 76-дақиқасида Челоцци ҳисобнинг йирик кўриниш олишини таъминлаган бўлса, германиялик футболчилар 82-дақиқада яна бир бор пенальтидан гол киритиб (гол муаллифи — Холзхаузер), якуний ҳитсобни шакллантиришди — 0:4.
"ПАХТАКОР" — "ШТУТГАРТ" 0:4
Голлар: Мартин Гарник (4), Кузманович (37-пен.), Челоцци (76), Холзхаузер (82-пен).
