"Ювентус" бош мураббийи Андреа Пирло ҳужумчи Криштиану Роналдунинг жамоадан кетиши ҳақидаги миш-мишларга изоҳ берди.

«Роналду ҳозир яхши. Табиийки, бошқалар каби, унинг ҳам кўнгли қолган [Чемпионлар Лигасини тарк этганидан сўнг]. У яхши машқ қилди ва ўз ҳолатини яхшилаб олди. ЕЧЛдаги омадсизликдан сўнг, бундай миш-мишларнинг пайдо бўлиши табиий.

Чунки у Месси билан бирга дунёдаги энг яхши футболчилари. Роналду ҳар доим "Ювентус"да яхши ўйин намойиш этган. У 90 дан ортиқ гол урган. Бу унинг ўз даражасини исботлаш учун етарли ҳатто кўп ҳамдир.

Сўнгги йилларда бошланган лойиҳада таркибни маълум бир тарихга эга футболчилар билан тўлдириш ҳам назарда тутилган. Фақатгина ёш ўйинчилардан иборат яхши жамоа тузиб бўлмайди», - деди мураббий.

Эслатиб ўтамиз, аввалроқ, португалияликнинг "Реал Мадрид"га қайтишни исташаётгани ҳақида хабарлар тарқалган эди.