Наманганнинг бош жамоаси навбатдаги мавсумга ҳозирликни 4 январ санасида бошлашганди. Шу ўринда 18 январга қадар бўладиган машғулотларга янги ўйинчиларни қатнашаётганлигини айтиш мумкин.

Фаолияти давомида "Нефтчи", "Андижон", "Олмали?", "Машъал" каби жамоаларда тўп сурган Шерзод Райимжонов, грузиялик футболчи Лаша Генгашвили кабилар шулар жумласидандир. Айни пайтда клуб раҳбариятини яна бир қатор футболчилар билан музокаралар олиб бораётганлигини ҳам айтиб ўтиш жоиз.

Мураббийлар жамоа манфаатларидан келиб чиққан ҳолда уларнинг номларини сир тутишмоқда. Таклиф этиладиганлар орасида хорижлик ўйинчиларни борлигини ҳам айтиб ўтиш мумкин. Уларни яқин кунлар ичида жамоа сафига қўшилиши кутилмоқда.

Ўтган ҳафтада жамоа таркибига тажрибали посбон Денис Романенкони ҳайтганлигини ҳам эътироф ўтиш ўринли. Молдовалик дарвозабоннинг "Навбаҳор" билан тузган шартномаси 2012 йилда ҳам амал қилиши боис, Романенко XXI чемпионат мобайнида клубларимиздаги ягона хорижлик посбон бўлиши мумкин.