Бугун жамоа икки таркибга бўлинган ҳолда назорат ўйинини ўтказди. Бу орқали мураббийлар машғулотларда қатнашаётган футболчиларнинг айни пайтдаги ҳолатидан бохабар бўлишди.
Асосий таркиб вакиллари асосан ёшлар билан шуғулланаётган ўйинчилардан ташкил топган жамоани 4:2 ҳисобида мағлубиятга учратишди. Эътиборли жиҳати, ёшлар учрашув давомида икки бор ҳисобда олдинда боришаётганди, лекин якунда тажриба ўз сўзини айтди.
Ўйинни жамоалар қуйидаги таркибларда ўтказишди.
"Қизиллар": Денис Романенко, Тимур Султонов, Дурбек Умаралиев, Қаҳрамон Маҳаммаджонов, Абдумажид Тоиров, Ғайрат Жўраев, Шерзод Райимжонов, Санжар Асқаралиев, Мухтор Фозилов, Аъзам Алиев (Элмурод Сотиволдиев), Абдумалик Абдуллаев.
"Кўклар": Ботир Носиров, Ботир Тўрабоев, Мирзоҳид Собиров (Ойбек Холматов), Рустам Юнусхўжаев (Омам-Бийик Халилов), Муҳаммад Нуриддинов, Собит Воҳидов, Элмурод Сотиволдиев, Элмурод Низомбоев, Азимбой Аҳмедов, Лаша Генгашвили, Жавлон Холмирзаев.
