Франция чемпионатининг 29-тури доирасида «ПСЖ» 14 март, якшанба куни ўз майдонида «Нант» клубини меҳмон қилди.

Ўйиннинг 42-дақиқасида Юлиан Дракслер парижликларни ҳисобда олдинга олиб чиқди. 59-дақиқада меҳмонлар вакили Рендал Коло-Муани мувозанатни тиклади. 71-дақиқага келиб эса Рендалнинг узатмасини Мозес Симан голга айлантирди ва «Нант»га ғалаба келтирди.

«Нант» ушбу ғалабадан сўнг очколари сонини 27 тага етказди ва 19-ўриндан 18-поғонага кўтарилди. «ПСЖ» бўлса ҳисобидаги 60 очкоси билан 2-ўринни банд этган. Парижликлар пешқадам «Лилль»дан 3 очкога ортда қолмоқда.

Лига 1, 29-тур баҳси
«ПСЖ» — «Нант» 1:2
Голлар: 1:0 – 42 Дракслер, 1:1 – 59 Коло-Муани, 1:2 – 71 Симон.
«ПСЖ» – Навас, Кимпембе, Маркинос, Дагба (Керер, 74), Диалло, Данилу Перейра, Рафинья (Икарди, 56), Ди Мария (Паредес, 62), Верратти, Дракслер (Сарабия, 74), Мбаппе.
«Нант» – Лафон, Паллуа, Траоре, Кастеллетто, Жиротто, Блас (Луза, 84), Туре, Симон (Бамба, 83), Чиривелья, Коко, Коло-Муани (Эмон, 83).
Огоҳлантиришлар: Симон (45), Рафинья (48), Траоре (50), Верратти (67).