«Ювентус» ҳужумчиси Криштиану Роналду футбол афсонаси Пелега тегишли рекордни янгилаб, футбол тарихидаги энг яхши тўпурарга айланганини эълон қилди.

«Сўнгги бир неча ҳафта давомида мен Пеленинг рекордини янгилаган ҳолда футбол тарихидаги энг яхши тўпурарга айланганим ҳақида хабарлар ва статистикалар тарқатилди.

Мазкур эътироф учун миннатдорман. Энди эса нима учун мен ушбу рекордни тан олмасдан келганимни тушунтириб бермоқчиман.

Мен ҳамиша жаноб Эдсон Арантис ду Насиментога ҳайратланиб келганман. У XX аср ўрталарида Сан-Паулу штати терма жамоасида 9та, ҳарбий жамоа сафида битта тўп киритганини ҳам қўшиб ҳисоблаганда, жами 767та гол ургани Пелега нисбатан ҳурмат уйғотган.

Ўша замонлардан бери жаҳон ўзгарди, футбол ҳам ўзгармоқда. Аммо биз ўз манфаатларимиз йўлида тарихни ўчириб юбора олмаймиз.

Бугун расмий ўйинларда фаолиятимдаги голларим сонини 770тага етказган пайтимда, биринчи навбатда Пелега мурожаат қилмоқчиман. Пеленинг ўйинлари, голлари ва натижалари ҳақида ҳикояларни эшитмаган футболчи бўлмаса керак. Мен ҳам бундай мустасно эмасман. Шу боис, мен қувонч ва фахр туйғусини ҳис қиляпман. Мадейрада яшаётганимда голлар уриб, Пеленинг рекордини янгилаш ҳақида орзу қила олмаганман.

Ушбу ажойиб саёҳатда менга ҳамроқ бўлган барчага раҳмат айтаман. Жамоадошларим, рақиблари, бутун жаҳон бўйлаб фанатларим ва энг аввало, оиламга, яқин дўстларимга айтмоқчиманки, менга ишонинг: сизсиз мен бу натижага эриша олмаган бўлардим.

Энди мен кейинги ўйинлар, кейинги синовлар, навбатдаги рекордлар ва совринларни кутиб яшайман. Ишонинг, ҳали бу тарих тугагани йўқ.

Келажак олдинда, «Ювентус» ва Португалия терма жамоаси ҳали кўп ғалабаларга эришиши керак! Ушбу саёҳатда менга ҳамроқ бўлинг! Олға!» – дея ёзди Роналду инстаграм орқали.