"Интер"нинг аргентиналик футболчиси Лаутаро Мартинес "Торино"га қарши Италия чемпионатининг 27-туридан сўнг (2:1), клуб билан янги янги шартнома ҳақида гапирди.
«Шартномани узайтириш керакми? Биз бунинг устида ишлаяпмиз. "Интер" ҳозирда кичик молиявий қийинчиликларни бошдан кечирмоқда, аммо мен хотиржамман, чунки биз келишувга эришишамиз», - дейди Мартинеc.
Қайд этиш мумкин, Италия клуби билан шартномаси 2023 йил 30 июньгача тузилган 23 ёшли ҳужумчи ушбу мавсум "Интер" билан барча турнирларда 37 учрашув ўтказиб, 16 гол ва 8 голли узатманинг муаллифига айланган.
Олдинроқ футболчи ва "Интер" ўртасидаги шартнома тўлиқ келишилганлиги ҳақида хабар берилган эди. Янги битимга кўра, Мартинес ҳар мавсумда 5 миллион евро ишлаб топади.
