"Aтлетико" жамоаси мураббийи Диего Симеоне жорий йилги Ла Лига мусобақасидаги кечаётган кураш ҳақида фикрини билдириб ўтди. Симеоненинг таъкидлашича, чемпионатда босим кучаймоқда, чунки иккита "йиртқич" уларни таъқиб қилмоқда.
"Мавсум охиригача яна 11та ўйин қолди. Одамлар "Барселона"ни ўз ўйинини топиб олди деб айтишмоқда ва каталонияликларни Парижда нималар қилишганига қаранг. Уларда янги президент сайланди. Бу ҳолат эса уларнинг ўйинига таъсир этиши аниқ.
"Мадрид" ўз ўйинларида ҳар доим очко тўплашга ҳаракат қилади. Бизнинг ишимиз эса, йўлимизда равон юришда давом этиш.
Биз ҳозирда жадвалда биринчи ўриндамиз ва ушбу жойга кўз тиккан иккита "йиртқич" бор. . Биламизки, "Реал" ва "Барселона" мавсум охиригача бошқа ютқазмайди.