"Интер" ҳимоячиси япониялик Юто Нагатомо якшанбадан душанбага ўтар кечаси бўладиган Милан дербисида жамоаси "Милан" устидан ғалаба қозонишини билдириб ўтди.
"Бу ўйин атрофида жуда таранг атмосфера ҳукмрон. Гарчи ўтган йили дербида майдонга тушмаган бўлсам-да, ўйинни кўриб маза қилувдим. Биламан, Японияда одамлар шу ўйинни кўриш учун атайлаб эрта тонгда уйғонишади. Ўйлашимча, "Милан"га қарши ўйиндан бошлаб чемпионатнинг қолган барча ўйинларда ғалаба қозонишга қодирмиз", - деди Нагатомо.
Эслатиб ўтамиз, "Милан"-"Интер" ўйини якшанбадан душанбага ўтар кечаси Тошкент вақти билан 00:45 да "Жузеппе Меацца" стадионида бўлади.