Ҳалқаро футбол тарихи ва статистикаси (IFFHS) 2011 йилнинг энг яхши ҳаками номини эълон қилди. Ташкилотнинг ҳисоб китобига кўра венгриялик ФИФА ҳаками Виктор Кашшаи ўтган йилнинг энг кучли ҳаками деб тан олинган. Овоз бериш жараёнида венгриялик рефери 138 балл билан яқин таъқибчиси, англиялик Ховард Уэббдан ўзиб кетган. Виктор Кашшаи ўтган мавсумни жуда юқори савияда ўтказди. "Уэмбли"да ўтказилган европа чемпионлар лигаси финали ҳам айнан унга ишониб топширилган эди.
Англиялик Ховард Уэбб юқорида таъкидланганидек иккинчи ўринни эгаллади. Унинг ҳисобида 103 балл мавжуд.
Ва ниҳоят, энг қувонарлиси, ҳамюртимиз Равшан Эрматов ушбу рўйхатда учинчи ўринни қўлга киритгани бўлди. IFFHS Равшан Эрматовни 2011 йилнинг энг яхши ҳакамлари орасида 97 балл билан 3-ўринга лойиқ кўрган.
Дунёнинг энг кучли ҳакамлари орасида учинчи ўринни эгаллаган ҳамюртимизга келгуси фаолиятида омадлар тилаймиз.
