"Локомотив" матбуот хизмати вакили Маъмур Мамадалиевнинг хабар беришича, бир оз аввал "Локомотив" ўзининг навбатдаги назорат учрашувини ўтказди. Бу сафар "темирйўлчилар" Тошкентнинг "НБУ Осиё" клубига қарши майдонга чиқдилар.
Ўйинда асосан "Локомотив"нинг ёш футболчилари ҳамда клубда кўрикдан ўтаётган футболчилар иштирок этди.
Ҳисобни "Локомотив" аъзоси Владимир Байрамов очди. Шундан сўнг биринчи лига вакиллари иккита тўп киритиб, ҳисобда олдинга чиқиб олишди. Ўйиндаги сўнгги гол "Локо"да кўрикдан ўтаётган Анвар Раҳимов томонидан, жарима тўпидан киритилди.
Ҳозирги вақтда Раҳимовдан ташқари "Локомотив"да Шавкат Римқулов ҳам кўрикдан ўтяпти.
