Хабарингиз бор, U23 Осиё кубоги саралаш баҳсларига тайёргарлик кўраётган Ўзбекистон ёшлар терма жамоаси Туркияда ташкил этиладиган халқаро турнирда иштирок этади.
Бош мураббий Равшан Ҳайдаров мазкур мусобақага 25 нафар футболчини жалб этди. Ушбу футболчилар қаторида «Андижон» жамоасининг футболчилари Абдуғани Камолов, Камрон Саидазимов, Дониёр Абдуманнопов ва Жасур Жалолиддиновлар ҳам бор. Ёшлар терма жамоамиз 20 март куни Тошкентда йиғилади ва 22 март куни Анталя шаҳрига йўл олади.
24-29 март кунлари бўлиб ўтадиган «Antalia Cup 2021» халқаро мусобақасида ёшларимиз Словакия, Украина ва Қозоғистондан ташриф буюрган тенгдошларига қарши баҳс олиб боради.
