"Пари Сен-Жермен" футболчиси Килиан Мбаппе Лига 1 турнирида февраль ойининг энг яхши футболчиси номига сазовор бўлди.
Мбапе бу мавсумда биринчи марта ва Лига 1 тарихида бешинчи марта ушбу номга лойиқ деб топилди.
Франциялик футболчи ўтган ойда 4 та гол урди ва 39% овоз тўплаб, Виссам Бен-Йеддер ("Монако", 33%) ва Мемфис Депай ("Лион", 28%) каби футболчиларни ортда қолдирди.
Маълумот ўрнида, 22 ёшли футболчи бу мавсум Франция чемпионатида 24 та учрашувда майдонга тушиб, 18 та гол ва 6 та ассистни ўз ҳисобига ёздириб қўйди.
