Каталониянинг "Барселона" клуби ҳужумчиси Леонель Месси "Олтин тўп"-2011 соврини айнан унга насиб қилганидан ажабланмаганини айтиб ўтди.
"Бир йил аввалги муваффақиятимдан фарқли равишда бу йилгиси мен учун кутилмаган бўлмади. "Олтин тўп"ни 2011 йилда ҳам қўлга киритишим учун менда яхши имконият бор эканини билардим. Мени ҳайрон қолдирган ягона нарса биринчи ва иккинчи ўриндаги футболчилар орасидаги катта фарқ бўлди. Криштиану Роналду ва Хави ҳам "Олтин тўп" учун муносиб эдилар. Менинг муваффақиятим Хосеп Гвардиоланинг соясида қолиб кетади. У барча нарсани ютди. У "Барселона" муваффақиятларининг пойдеворидир. Мен ҳамма қатори оддий бир ўйинчиман, Пеп эса қарор қабул қиладиган "Барса"нинг муҳим фигураси".
"2014 йилги "Олтин тўп"ни Аргентина терма жамоаси сафида жаҳон чемпиони бўлганим учун олишни хоҳлардим. Бу йўлда икки йил давомида совринга яқин келмаслик учун ҳам розиман", деб фикрини якунлади Лео Месси.
