Тухель "Челси"нинг Чемпионлар Лигаси 1/4 финал босқичидаги рақибининг имкониятларини юқори баҳолади.
«Аввало, биз ўзимиздан хурсанд эканлигимни айтмоқчиман. Чунки, ушбу босқичда Англия жамоасига қарши тушмадик. Мен ҳар доим бошқа мамлакат жамоаларига қарши ўйнашни афзал кўраман. Иккинчи ўйин бизнинг уйимизда ўтиши яхши, бу бизга озгина устунликни беради.
Албатта, кўпчилик бизни "Порту"га қарши ўйинларда фаворит деб атамоқда. Аммо, бу ёрдам бермайди. Бу ҳақида Туринга бориб, фаворит мақоми бизга ёрдам берадими йўқми деб сўраш керак», - дейди германиялик мутахассис.
Эслатиб ўтамиз, "Порту" ва "Челси" ўртасидаги чорак финалнинг дастлабки ўйини 7 апрель куни бўлиб ўтади.
